Кайран агабыз Обозкан Сардарбекович!

Бүгүн Россиядагы кыргыз коомчулугу орду толгус оор жоготууга учурады.

Бүткүл өмүрүн кыргыз мамлекетинин жана элинин өнүгүүсүнө арнаган, чын дили менен ар бир адамга жан-талашып жакшылык кылган, узак жылдар бою Россияда эмгектенип, мекендештерибиздин көңүлүнүн тереңинен орун алган, чанда кездешүүчү адамгерчилик сапаты бар, үлкөн Москвадагы карапайым мигранттардан баштап мамлекеттик жетекчилерге чейин сыйлап-урматтаган, Россиядагы Аксакалдар Кеңешинин төрагасы - ардактуу аксакалыбыз Обозкан Сардарбековичтен айрылдык.

Ал киши өз мекенин өзгөчө ардактап, өнүккөн Кыргызстанды көргөндұ самап, жеке салымын кошконго чоң пландарды түзүп жүргөн.

Жашоо принциптери жана ички дүйнөсү суудай таза, көңүлү гүлдөй назик Обозкан агабыз эң жогорку мамлекеттик сыйлыктарга татыктуу инсан эле. Тилеке каршы болгону 67 жаш курагында күтүүсүздөн жалган дүйнө менен кош айтышып кете берди. Агабыздын жаны жаннатта болсун, билип-билбей кетирген күнөөлөрү болсо жараткан өзү кечирсин! Үй-бүлөөсүнө, бир туугандарына жана жакындарына терең кайгыруу менен көңүл айтабыз!

Жалпы россиялык Кыргыз Конгрессинин жамааты.

Сегодня кыргызская община России понесла тяжелую утрату. На 67 году жизни скоропостижно скончался видный общественный деятель, имеющий непререкаемый авторитет и всеобщее уважение, председатель Совета старейшин кыргызской диаспоры - Сардарбеков Обозкан Сардарбекович. Как истинный патриот, он всю свою сознательную жизнь посвятил служению Кыргызстану и России, был образцом интеллигентности и человеческой доброты. Соболезнуем всем его близким и родным! Пусть земля ему будет пухом!